نرمين صفر: فايزة المحرصي نوارة الجنوب الصنديدة لي في كل موقف وغصرة تكون المرأة الفحلة لي طيش روحها بش تعاون أي بشر من قريب و لا بعيد و ما فماش ما أحن منها

دونت الفنانة الإستعراضية نرمين صفر حول الفنانة فايزة المحرصي:

فايزة نوارة الجنوب الصنديدة لي في كل موقف وغصرة تكون المرأة الفحلة الي اطيش روحها بش تعاون اي بشر من قريب و لا بعيد ما فماش ما احن منها.

نتذكر كلمتني رمضان الي فات قالتلي نعرفك بخلية و تكره الكوجينة و تنسى روحك في الماكلة نبعتلك مرأة توا تتلاها بيك ثيقة و عندها معايا سنين …وقتها حسيتها اختي الكبيرة و حنيتها هذه مع الناس الكل من قلبها .

انا متهنية علاها في الجنة مع الناس الباهين الي كيفها ، نحب نتوجه لناس الجنوب بكليمة هذيكة عروس جربة الصنديدة الي نفتخرو بيها تونس و ليبيا و الجزاير الفنانة الي خدمت الفن الفن و احترمت روحها و ما عفست على حد بش تتعدى ..فرضت احترام كل الناس امرأة مناضلة و لو كنا في زمن الأولياء الصالحين لكانت منهن.