الممثل التونسي #سفيان_الداهش في قصيد مؤثر جدا حول رحيل الفنانة #ريم_الحمروني:
أسهل منها ما فماش
وصعيبة علي خاطيه
الي للتوا ماجاتاش
ويعرف الي باش تجيه
يراها وزعمة ما راهاش
غافل لا من لاهي بيه
ويقلك عمري ما وفاش
عمري وانا أدرى بيه
مزال رمشي ما بكاش
انت لواه تبكي فيه
أي نرجعو للكاش
والي راح صحة ليه
أيا شعملنا في الصاش
جبت شكون يصلح فيه
هاو قالو واحد غشاش
زعمة يعرف يمشيه
ريت هاكي كحلة لرماش
الي يقربها ومية تمشيه
والدنيا هاذي بلا فراش
عريان شكون يغطيه
كان كلامي ما فهمتاش
وتقول هتر هذا شبيه
واش بيه يحكي هكة علاش
ونحشم كيف نسميه
مر فراقك ما تقطاش
هاني للتوا نخدم بيه
ياما حبايب عنا راحو
ودعناهم بقلب حزين
ياما صاحب ظلام صباحو
راح وسيل دمع العين
ياما أمات عليهم ناحو
تعدى عليهم الحمل رزين
ياما وياما واحنا للتوا ما فقناش
أسهل منها ما فماش
سلامي للي عنا بعدو
سلامي للي رواحهم صعدو
زعمة نقعد ما ننساش
أسهل منها ما فماش
