فضيحة مغني الراب “جنجون”

0
2688

نحب نقول حاجة على الي صار على جنجون ،
في تونس بلد العجائب:
ناس تخدم و ناس تعس ، ناس تخدم و ناس تسرق، ناس تخدم و ناس تنبر، ناس تخدم و ناس تعرقل، ناس تخدمك و ناس تخدملك ، ناس تخدم و ناس تتخوبث، ناس تخدم و ناس تحطم ، ناس تخدم و ناس وناس وناس…………
الحقيقة انه برشة بل اغلبية الرجال عزاب و معرسين على مواقع التواصل الاجتماعي يباتوا يساسيو الليل الكل على بوسة موش فيديو و يعملوا اكثر بعشرة مرات من جنجون و هو بيدو كيف قرى الخبر و إلا شاف الفيديو ولى يسيب في التضومير متاعو و يبرتاجي،
غريبة شعب سكيزوفران تنجم تصير على اي راجل و الي يقول عكس هاذة كذاب و منافق و موش راجل ،
هو راجل عازب ما شدش مرأة بالسيف و لا اتحرش بطفلة ما ارتكبش جريمة يعاقب عليها القانون هذه حياتو الشخصية في دارو يعيشها كيف ما يحب برشة ناس كان ربي يفضحكم و يعرفوا الناس حقيقتكم و حقيقة اخواتكم و بناتكم ماعادش تخرجوا من دياركم ،
اطلبوا اللطف و كل واحد يتلاها في روحوا و ما ننساوش الي هو فنان متربي و محترم و يخدم في موزيكا باهية الراجل أول ما طلع على ركح قرطاج بكى يدل على إنسان حساس و نظيف ،
الشهرة في تونس نقمة تخلي ناس بالغيرة و الحسد ما ترقدش الليل باش تلقالك حكاية خايبة ،
المجرم الحقيقي هو إللي هبط الفيديو و الحيالة الي غدرت بيه ،
كان جينا في بلاد الحق اي واحد يهبط فيديو يضر بيه شخص ماديا أو معنوية يشد الحبس ،
سيبو الراجل و سيبوا بنات الناس و ربي يلهينا بالحواجنا،
أنا متضامن معاه و بالنسبة ليا جنجون اقوى فنان في تونس لسنة 2020 ،

جنجون يا غول اصنع من الضعف قوة و اعملنا غناية حلوة و تأكد التونسي الصادق و إللي متسامح مع روحوا يسمعك و يشجعك أما الأخرين راهم في قلوبهم مرض فزادهم الله مرض و هكة ربي هدالك فرصة باش تصفي من جمهورك و يبقى كان إللي يحبك كفنان ،
يصير عالرجال.
#couragejenjoune

ترك الرد

من فضلك ادخل تعليقك
من فضلك ادخل اسمك هنا