فردوس بوڨرة شابة تم استدعاءها من قبل ضحية عنف لبرنامج عندي منقلك.
ضحية العنف قامت بإستدعائها للبرنامج و المعنف مازال حر طليق (ضرب مرتو في وجها حللها 45 غرزة) و النتيجة اليوم ولا عنا زوز نساء مهددات بالعنف اللي هما هندة (مرتو و الضحية الأولى) و فردوس الطفلة اللي عمرها 22 سنة و ذنبها انها شافت مرا مهبطة العنف اللي تعرضتلو عالفايسبوك كلمتها ووجهتها و ساندتها.
في دولة تحترم روحها ضحية العنف يقع توجيها و حمايته و يوفرولها سكن و الاحاطة اللازمة و ماتقعدش مسكينة تستنى في رحمة برنامج تلفزي باش يوفرلها محامي و طبيب.
فردوس اتصل باها المعنف و هددها بالقتل حسب روايتها.
