صرخة أم: أحتفل بنجاح إبني في الباكالوريا بلوعة بسبب وفاته قبل النتيجة بأسبوع بسبب السرطان

0
1870

دونت أم من أمهات تونس قصة مؤلمة جدا:

ولدي أحمد مات عنده اسبوع توفاه الله بمرض السرطان بعد امتحان الباك ولدي تعب برشا في الدنيا واليوم حصد تعبه ولدي نجح ولكن هو مش معيا ولدي فرحني وهو مفرحش ولدي مشى عند خالقه رحمه من عذاب الدنيا لكن خلا فيا وفي بوه حرقة ونار شاعلة انا نسيت ولدي أحمد اجتاز
الباك اداب اخته اول البارح بعثت مساج واليوم وصلت لها مساج النجاح ولدي نجح بمرتبة شرف ولدي عمل مجهوده باش يفرحني انا وبوه واخواته حتى هو غايب علينا يارب صبرك ورحمتك راني أم وقلبي محروق أمنيتي الناس الكل تدعيلوا بالرحمة وتدعيلي بالصبر على خاطر بالحق انا تاعبة وقلبي مش يطلع من بلاصته هذي نعمة ربي علينا انك تفرح وتحزن في نفس الوقت الله يرحمك يا أحمد الحبيب امك الله يرحمك يا كبدتي وجواجيا الله يرحمك يا ضو بصري مشيت وخليتنا تتذكر كيف كنت تقولي يامي انا مش ننجح لكن نتمنى انكون معاكم باش نفرح وانا كنت انقول ليك يزي من فال الخايب اتو تقوم لباس وتفرح وتعيش حياتك يا بابا يا غالي حتى أستاذك جاء وبارك ليا وقالي هو كان عامل مجهود جبار كان يقولي احب انفرح امي وترفع رأسها في الحومة وفي العايلة يا احمد بعدك معاش فما فرحة ولا زهوة يا بابا راني مكوية واليوم لا عرفت انزغرط ولا نبكي جبانة ودار فرح زوز مع بعضهم بوك خرج يصيح في الحومة ويقول احمد نجح وهو مش هنا احمد مات وجات الفرحة باك اهبل بوك يا ولدي الغالي يا زيني الغالي
يا وردة حياتي ونوارة داري اختك هبلت عليك الصبر يا رب من عندك
احمد مبروك يا روحي النجاح مبروك يا عمري مرتبة الشرف مبروك يا وليدي يا فرحتي في الآخرة يا أحمد فرحتني و انت عايش وانت غايب انا ما نحب انقول مايت وتقول غايب لأني نعرف روحي اني جاية عندك يا بابا يا روح جواجيا مبروك نبكي انزغرط معاش في عقلي سامحوني بجاه ربي سامحوني راني مشوية على وليدي الله يرحمك.

ترك الرد

من فضلك ادخل تعليقك
من فضلك ادخل اسمك هنا