صرح الفنان حسين العفريت مع الإعلامية إيمان السكوحيحول وفاة الفنانة فايزة المحرصي:
إنا لله وإنا إليه راجعون … الله يرحمها وينعمها الله انا لا نسألك رد القضاء بل نسألك أن ترحمها وربي رحمتو واسعة … إن شاء الله فايزة تكون مشات على حسن خاتمة ، وفايزة تحملت لمدة أكثر من سنة وفي ذلك تخفيف إن شاء الله وابتلاء كبير وهي صبرت وكانت ديما تحب تظهر قوية حتى في شدة المرض متاعها وتحب تظهر فايزة الضحوكة المبتسمة والطيبة … فما كلمة مهمة وهي الأثر الطيب ، ماذابينا نخدمو على الأثر الطيب إلي باش نخلوه نهار اخر ونلقاو الرحمة … صلاتك وفروضك هذيكا بينك وبين خالقك أما الاثر الطيب هو أثر معاملتك مع الناس … الحياة راهي فانية وكلنا عابري سبيل والله اعلم عند شكون ، إلي شفتو أنا في 6 أو 7 شهور من يوم إلي هزيناها للمستشفى العسكري هذاكا الدرس إلي نخرجوا بيه … صلاة الجنازة في جامع المنزه 6 الساعة الثانية مباشرة بعد صلاة الجمعة ومبعد تمشي للجلاز في مثواها الأخير
