بنزرت: فتاة تروي قصة تعرضها لمحاولة إغتصاب في مصعد كهربائي

0
1916

تحدثت فتاة عن محاولة إغتصاب تعرضت لها داخل مصعد كهربائي في بنزرت.

نسرد إليكم حديثها:

لتو مانيش مستوعبة اللي صارلي ،خرجت ماشية ل dentiste باش نكبس ل appareil dentaire ، وصلت للعمارة و مشيت شنطلع في الاسنسور و واقف بجنبي ذكر في سن (30/36) ، يغزرلي في غزرة خاسرة و مقرفة مارتحتلهاش و قاعدة يحاول يجبد فالحديث معايا ، تحب الاسنسور ركبنا حطيت ال étage 4 و بقيت نستنى فيه باش ينزل على فلسة لين قلي حتى أنا نفس ال étage ، لحق ماعطيتش اهمية للحكاية أما السيد نزل على فلسة ياخي وقف الاسنسور ، وقتها خفت و قتلوا شبيك ياخي بدى يقربلي و يعملي أنت لشبيك وشمعناها ما تجاوبنيش ، قتلوا سامحني مش بلعاني ، مراعني كان بدى يحل في سروالوا و قالي هاني باش نخلبك تتكلم بسيف ، بديت نعيط و نصيح ونضرب فالباب ، معاش نرى في شي قدامي ومعاش في مخي شي جيست اني نخرج لاباس ، ياخي تسيب عليا وشدني من شعري و هو عريان ، ياخي فجأة الاسنسور خدم و هبط لوطا و تحل الباب و اربعة رجال واقفين ، ديراكت جبدوه و عطاوه طريحة و أنا متكونسية في بلاصتي نرعش بكلي ما نتفكر شي كان جيبولي امي ، أنا نحمد ربي أنت الاسنسور كانت فيه كاميرا و العساس شافوا و نقضني والا راو ما نعرفش شنية كان ينجم يصيرلي”

ترك الرد

من فضلك ادخل تعليقك
من فضلك ادخل اسمك هنا