المحبة شفاء الروح و الجسد

0
355
الحب

المحبة أقوى سلاح تنجم تحارب بيه الدنيا، لمجرد وجود شخص متأكد أنو يحبك ساعات أكثر من روحو … تحس بقوة كبيرة من داخل تخلي تواجه كل حاجة تعرضك ما غير خوف خاطر تعرف فمة شكون وراك ما غير حتى ما يحسسك …
على خاطر المحبة، بعد معارِكنا و امتحاناتنا مهما كانت، هيّ ربحنا الحقّاني في الدّنيا ..
على خاطر المحبّة، روح تحبّ نجاحك و تعاونك توصلّو .. و تفرحلك يُمكن أكثر من فرحتك بروحك .. و تستوعِبك “كُلّك” .. بخوفك و شكِّك و ظروف المرحلة الحاليّة .. و المراحل الجايين ..
تدزّ معاك إذا يديك يرخّو، و تقلّك “راني نمّن بيك” “راني ديما معاك” إذا كان كفرت بقدرات ذاتك في لحظات ضُعفك و يأسك ..
حْضُور ما يغيبش، في الفرحة كيما في المِحنة، في الصحّة كيما في المرض، فوق الأرض .. كيما تحتها .. في الدّنيا كيما في الآخرة ..
المحبّة .. بعُمقها و وسعها تتلخّص في وجه يتبسّملك في وسط ملاين وجوه .. تبسيمة تقلّك “أنا نعرفك مليح .. و إنتِ قادرة و قويّة .. ”
الرّاجل… الحبيب .. الصّاحب .. و السّند …
الصدر اللّي يحمّل و يكفكف و يخفّف و يداوي .. و الصوت الصّادق اللّي يقلّك في آخر نهارك “هذا تعبك، و هذا حُضني .. ” و اللي يحبك ما يخليكش…

ترك الرد

من فضلك ادخل تعليقك
من فضلك ادخل اسمك هنا