” الكوخرة ” نبتة سامة قاتلة أبعدوها عن أطفالكم

0
978

طفل عمرو عامين ونص .. خرج يلعب مع الصغار بحذا دارهم .. لقى نبتة ورا الدار .. النبتة هذي تطلع وحدها في اي بلاصة وموجودة في كامل تراب الجمهورية .. امين وكي برشة صغار مايعرفهاش .. مخو قالو كول منها شوية .. دقايق .. و بدنو حمار ومن بعد زراق بكلو وتقطعلو النفس واصبح هايج بطريقة غريبة .. يضرب ويكسر وحتى الطبة منجموهش ووصلو كتفوه باش ينجمو يشخصو الحالة … ساعات من بعد قلبو سكت وتوفى .
النبتة هذي الي كلا منها امين كيفها كيف العشرات مالنباتات السامة والقاتلة الي نلقاوها مزروعة في شوارعنا و بحذا ديارنا وفي السواني وفمة حتى شكون يزين بيها الجنينة متاعو والا حتى البالكونة .. اما ماعندهم حتى فكرة على مدى سميتها وخطورتها .
شنية النباتات السامة الي يلزمو نعلمو صغارنا مايقربوهاش ؟ علاش قاعدة تقتل في برشة ناس صغار وكبار ؟
علاش في برشة بلدان اجنبية يقريو الصغيرات باش مايقربوش النباتات السامة ؟ وفي تونس لا حياة لمن تنادي.

النبتة هاذي إسمها ” الكوخرة” حكاو عليها في برنامج الحقائق الأربعة، تضرب الجهاز العصبي المركزي … تعمل ارتباك في دقات القلب وهلوسة…تفتك بخلايا العين وتصبب العمى… نبتة سامة وقاتلة أصبحت لدى بعض التلامذة والشباب تستهلك كمخدرات… ‘الكوخرة ‘ نبتة خطيرة وجب على العائلات إبعادها عن أطفالهم.

ترك الرد

من فضلك ادخل تعليقك
من فضلك ادخل اسمك هنا